Auteur: Henk ten Thije
Fotoos, fotoos, het bint papiern dingn, mer elkn foto hef veur alleman aait ne herinnering
Veuran v.l.n.r.
Rosa de Leeuw, Willy Sanders, Annie Planting, Willy Heuting, Margot Vienneau, Esther (Hetty) de Leeuw, Tjits Achterberg, Tineke Postuma, Dick Kers, Hennie Petrof.
Tweede rieg v.l.n.r.
Martin de Leeuw, Gerrit kuilder, Tineke van Tellingen, Ben Ketelaar, Rietje Smit, Johnnie Horstman, Jan Groenhuizen, Hans Scheffer, Bert de Weerd, Gerrit Smit, Wim Visch.
Derde rieg v.l.n.r.
Meester Rik Mulder, Jan Hulleman, Betsie Hasperhoven, Annie Planting, Willie de Jonge, Janna Raat, Jan Kruse, Gerrit Koops, Ben Hilverink, Henk Been, Meneer Boerema.
Veerde rieg v.l.n.r.
Bé Lux, Wim van Wezel, Marinus Oldersma, Albert Westerhoff, Hans Stegehuis, Bennie Waardenburg, Jampie Krikke.
Dit moal ’n petret van de hoogste klas van de “Neutrale School” zoas wiej vrogger zeern. De school wödn in 1882 bouwd en heetn: De Eerste Openbare School Borne. Kiender van katholieke, jödse en protestantse oolders kreegn door oonderwies, met oetzondering van de wichter dee in de zusterschool an de Stationsstroat les hadn. ’t Onderwies was good met veural völ andach veur de creatieve vakkn zoas teekn, haandnarbeid, veurdreagn en teneel.
Een van de leerlingn herinnert zich dat juffrouw ter Mars (nig op ‘n foto) es teegn em zea toen de hele klas sommn mos maakn: “Goa iej mer deur met teekn, want dat is ook belangriek”. Ieder joar heul de zesde klas ne teneeloetvoering en mochn de leerlingn oet de viefde klas op den oamnd biej Van der Laan gedichtn veurdreagn. Doarnöast was ter völ andach veur schoolradio en maakn ze in de zesde klas ne schoolkraant.
’n Legendarischen meneer Boerema was ’t veurbeeld van ’n boavnmeester. Zo mossen de leerlingn zich, as de school begun, opstelln in riegn en doarna riege veur riege nor binn. Gezag en discipline mos t’r weern. Luustern dat zoln ze! An de aandere kaant wödn d’r in ‘t spölketeer ook behoorlijk wat of eknokt op ‘n spölpaats. . . . . . .
Noa de geliekschakeling van ’t Oopnbaar en Biezunder Onderwies wödn ’t gebouw in 1922 de School van de Biezunder Neutrale Boornse Schoolvereniging. Formeel verdween doormet ’t Biezunder Oopnbaar Onderwies oet Boorn.
In 1972, toen ’t gebouw neegntig joar oold was, hebt ze ’t ofbrökkn en was ’t gebuurd met de blieje keenderstemmn dee doar zovölle joarn op ’n spölplaats haddn klunkn.
’t Is net of ’n toorn van de Oale Keark sedert dat joar wat somberder oet de galmgaatn kik . . . . .
In 1980 wödn der huuze bouwt.
Daank an
Jan Kruse
Arend Wisman
“Kiek toch ‘s!”: beeldkroniek van Boorn en umstreekn
(–> naar PDF-versie van deze publicatie)
(–> naar Inhoudsopgave 2010-03)
(–> naar Boorn & Boerschop pagina)