Auteur: Jan Kleinman
Dat had van miej nig hooven
Hee war nen netten kaanten keerl
Keersrech, good in de kleere
Eer deanig, nig völ an de mond
En watte zear dat deer’e
Het har hem nig aijt met ezetten
’t Kan vrömd in ’t leaven goan
Al leap zien pad mangs ongeliek
Hee hefder veur estoan
Mer do hee oald wor kwam bie hem
Vol dinger van weleer
Weer boam… en ie veulen wa
Dat deer hem mangs wa zeer
Oeteindlak leap *t hem deur
De ofbraok van nen trotsen man
Met deepe zeerte in het hert
Zag ie dat alles an
Mer alles kump zoas het kump
Ieder vuur zal zachkes dooven
Mer dat leste joar, mien God
Dat had van miej nig hooven
Jan Kleinman.
(–> naar PDF-versie van deze publicatie)
(–> naar Inhoudsopgave 2001-01)
(–> naar Boorn & Boerschop pagina)